Леонид Гошев - од студент на CDA до вработен во Panther Trucking Inc за неполн месец по завршување на обуката!

Разговараме со Леонид Гошев, студент на Continental Dispatch Academy кој се вработи еден месец по завршување на обуката „Научи како до успешен диспечер на товари во САД и веќе е дел од компанијата Panther Trucking inc како Диспечер.

Најпрво кажи ни нешто за себе – Кој е Леонид?

Јас сум Леонид, амбициозен и посветен човек кој секогаш бара нови можности за учење и професионален развој. Имам интерес за логистика и транспорт и отсекогаш сум сакал да работам во динамична индустрија каде што можам да користам аналитички вештини и комуникациски способности.

Како одлучи да се запишеш на обуката во Continental Dispatch Academy? Кажи ни повеќе за твоето искуство со нашата обука.

Се заинтересирав за диспечерската работа откако дознав колку е важна оваа улога во транспортната индустрија. Сакав да научам како да работам со возачи, да ги организирам рутите и да решавам предизвици во реално време. По истражување на обуките што се нудат, се одлучив за Continental Dispatch Academy затоа што видов дека нудат практични знаења и поддршка за вработување. Обуката беше многу корисна – научив како функционира целокупниот процес на диспечирање, како да комуницирам со брокери и како да користам софтвер за логистика.

Зошто баш кариера во транспортната индустрија?

Транспортната индустрија е една од најбрзорастечките и најдинамичните индустрии. Секогаш има побарувачка за добри диспечери, а работата е интересна затоа што секој ден носи нови предизвици. Ми се допаѓа тоа што оваа работа бара организациски способности, брзо решавање на проблеми и комуникација со различни луѓе. Дополнително, има одлични можности за раст и развој.

Како обуката ти помогна да се вработиш како диспечер на товари?

Обуката ми даде јасно разбирање за тоа како да пронајдам и договарам товари, како да комуницирам со возачи и брокери и како да решавам проблеми што можат да се појават на патот. Практичните вежби со реални сценарија ми помогнаа да стекнам сигурност и самодоверба. Покрај тоа, академијата ми помогна со насоки за аплицирање за работа, што ми овозможи побрзо да најдам вработување.

Кои се твоите очекувања и главни цели во работата како диспечер?

Очекувам да се усовршам во оваа професија и да станам ефикасен диспечер кој успешно ќе менаџира повеќе камиони. Мојата главна цел е да ги оптимизирам маршрутите и да обезбедам стабилен приход и за компанијата и за возачите. Во иднина би сакал да напредувам во индустријата, можеби дури и да отворам сопствен бизнис во логистиката.

Што би им препорачал на идните студенти на Continental Dispatch Academy?

Би им препорачал да бидат посветени и да се фокусираат на учење, затоа што знаењата што ќе ги стекнат ќе им бидат од голема корист. Да не се плашат да поставуваат прашања и да се вклучат активно во практичните задачи. Исто така, да бидат трпеливи и истрајни, бидејќи успехот во оваа работа доаѓа со искуство и вежбање.